Pas përfundimit të procesit të numërimit të votave në Kavajë, Redjan Krali, i cili u shpall kryebashkiaku i ri, u shpreh i surprizuar nga rezultati.
“Jam shumë i kënaqur me rezultatin. I ka kaluar pritshmëritë, prisja edhe më pak”, tha Krali për mediat.
Por ashtu si shumë bashki të tjera, të cilat kanë pasur mospërputhje mes numrit të pjesëmarrësve dhe numrit të votave, edhe Kavaja nuk i ka shpëtuar këtij fenomeni.
Në Kavajë, ka ndodhur e kundërta, janë raportuar më shumë votues se sa kanë qenë realë. KQZ raportoi në orën 19:00 ditën e djeshme, se në Kavajë kanë votuar 7784 qytetarë, por në total, kanë votuar 7548, pra 226 më pak./Gazeta Liberale
