Sabrina Vrasja e Sabrina Lekës, 20-vjeçarja që iu mor jeta nga babai dy netë më parë në Adelaide, sepse kishte dalë me shoqërinë për jetë nate, ka tronditur miqtë e të resë. Petrit Lekaj, e vrau të bijën me thikë brenda makinës, e më pas policia e gjeti edhe atë të plagosur, nga plagët që kishte marrë gjatë përleshjes me të bijën, e cila po përpiqej që të shpëtonte nga vdekja. Një nga shoqet e ngushta të studentes imazhiere, Jana Fandi, tha për ABC News, se ajo ishte një vajzë e jashtëzakonshme, që ndihmonte këdo.“Gjatë gjithë shkollës së mesme, ishim shumë afër dhe bëmë shumë gjëra së bashku. Ne të dy kemi dashur muzikë dhe ajo ishte një pianiste e pabesueshme dhe ne bëmë konkurse së bashku, së bashku me nxënës të tjerë të shkollës – kjo do të duhej të ishte kulmi i viteve të mia shkollore. Pa marrë parasysh se sa e trishtueshme ishte, ajo gjithnjë siguroi që të tjerët rreth saj ishin në rregull. Ajo ishte gjithmonë aty për këdo që ishte rreth saj. Ajo gjithmonë i vuri të tjerët para saj. Ajo e donte shkencën, kështu që po bënte imazhe mjekësore. Ajo donte të ndihmonte njerëzit, kështu që zgjedhja e saj natyrisht rrjedh prej kësaj,” tha kolegia e tij Fandi.
“Ajo më tregonte se donte të gjente një kurë për të gjitha sëmundjet në botës. Ishte shumë mbicioze. Ajo ishte shumë, shumë e zgjuar – ishte një fituese e lartë. Isha gjithmonë aq krenare për të, sepse talenti i saj ishte i pabesueshëm, por ajo gjithmonë do të thoshte: Jo, mund ta bëj më mirë, do ta bëj më mirë “
Zonja Fandi tha se shoqja e saj “e bukur” duhej të merrte pjesë në ditëlindjen e saj të 21-të brenda pak javësh dhe ishte shkatërruese që ajo të mos ishte atje për të ndihmuar në festimin e saj. “Është e trishtueshme që ajo nuk është me ne më,” tha ajo. Kjo është një tragjedi dhe vetëm për shkak se nuk jemi më në shkollë të mesme, nuk do të thotë që nuk do të jemi atje për njëri-tjetrin”.
Kjo është vrasja e dytë brenda vitit e burrave shqiptarë që vrasin të bijat. Natën e vitit të ri, në mesnatën e 1 janarit 2019, Aleko Petro, vrau të bijën, Anxhelina Petro, pasi ajo kishte lidhje dashurie me një djalë afgan. Pas vrasjes, ai e fshehu trupin e pajetë në oborrin e shtëpisë.
- Gjëja e fundit që Sabrina Lekaj shkroi, ishte një mesazh drejtuar shoqes së saj të ngushtë ku thuhej “Të dua, të shkruaj kur të shkoj në shtëpi”.
Disa orë pasi 20-vjeçarja shkroi këto fjalë, trupi i saj u gjet në makinën e saj, Mercedes Benz 2002. Babai i saj, Petrit Lekaj, 49 vjeç e vrau me thikë, dhe tashmë është i akuzuar kryesor për ngjarjen e rëndë.
Miqtë e studentes së mjekësisë thanë se ishin të tronditur nga ajo që kishte ndodhur dhe se Sabrina ishte një njeri unik dhe i jashtëzakonshëm.
