Pranë fshatit Drenovë, në aksin rrugor Korçë-Ersekë, një aksident i rëndë i ka marrë jetën një personi.
Sipas njoftimit të Policisë së Shtetit bëhet me dije se shtetasi V.K, rreth 59 vjeç, banues në Korçë, duke drejtuar një biçikletë, dyshohet se ka goditur rimorkion e një mjeti tip kamion.
Kamioni me pronar shtetasin D.Ç, banues ne Fier ishte i parkuar anësh rrugës.
Edhe pse është dërguar në spitalin rajonal të Korçës 59-vjeçari nuk i ka shpëtuar dot plagëve të marra duke ndërruar jetë.
