Një kamion është përmbysur në aksin Librazhd-Elbasan dhe është dashur një mjet ndërtimi për ta lëvizur.

Për shkak të përmbysjes së kamionit, aksi ka qëndruar i bllokuar për minuta të tëra duke krijuar trafik të rënduar.

Policia ka qëndruar në vendngjarje për të menaxhuar trafikun e krijuar si edhe për të bërë të mundur largimin e mjetit të tonazhit të rëndë. Deri më tani nuk ka informacione për persona të plagosur në këtë aksident.