Policia e Shtetit ka reaguar në mënyrë zyrtare për kufomën e gjetur në det nga një peshkarexhë.
Policia thotë zyrtarisht se trupi i gjetur nuk ka shenja dhune dhe nuk ka qenë i mbështjellë.
‘Trupi ishte i veshur me rroba, i janë evidentuar gjithë gjymtyrët, por është dekompozuar për shkak të lagështisë’, bën të ditur policia.
Reagimi zyrtar nga Policia e Shtetit për kufomën në Durrës:
Më datë 18.08.2019, në orët e para të mëngjesit, një peshkarexhë që kishte dalë për gjueti, rreth 4 milje larg Durrësit duke ngritur rrjetat dhe ka konstatuar në rrjeta një trup të pajetë të seksit mashkull.
Kufoma është transportuar në morgun e spitalit për ekspertizë mjeko-ligjore.
Nga ekspertiza e jashtme, trupi nuk ka qenë i lidhur apo i mbështjellë.
Nga këqyrja nuk janë evidentuar shenja dhune apo dëmtime të ndonjë natyre tjetër.
Trupi ishte i veshur me rroba, i janë evidentuar gjithë gjymtyrët, por është dekompozuar për shkak të lagështisë.
Grupi hetimor nën drejtimin e Prokurorisë po vijon hetimet për identifikimin dhe sqarimin e plotë të rrethanave të ngjarjes.
