Mbledhja e sotme e Kryesisë së PS-së ka pasur jo pak debate lidhur me mënyrën e qeverisjes dhe organizmin e partisë.
Ish-ministri, Ditmir Bushati në përfundim të mbledhjes deklaroi se ka diskutuar për reformimin e partisë dhe ndryshimin e mënyrës së sjelljes së PS në Shkodër, pas largimit të Vlardin Pjetrit nga ligjit i dekriminalizmit.
Ajo që ra në sy është se kryeministri Edi Rama, në televizionin privat, ERTV nuk e transmetoi prononcimin e Bushatit për mediat.
Edhe pse kameramani i Edi Ramës ishte jashtë, bashkë me mediat e tjera, kreu i qeverisë nuk e pa të udhës që t’i informonte socialistët me qëndrimet që ka ish-ministri i tij.
Ndërkohë, ERTV ka transmetuar fjalën e Taulant Ballës dhe atë të kryetares së re të Këshillit Bashkiak të Shkodrës, që ka dalë nga votimet moniste të 30 qershorit.
