Ish deputeti i PD Flamur Noka ka komentuar vizitën në vendin tonë të zyrtarit të lartë amerikan, David Kostelancik.
Sipas Nokës, opozita është e gatshme të ulet në tryezën e bisedimeve me PS, por përsëriti edhe një herë qëndrimin dhe një nga kushtet e saj kryesore, pa Ramën kryeministër.
“Le të jenë të gjithë. PD, PS dhe aleatët përkatës. Por pa Ramën me atributet e kryeministrit. Jemi dëshmitar që në 6 vite të qeverisjes së Ramës dhe Rilindjes asnjëherë nuk i është shtrirë dora opozitës. Numëronjës dhe mbushësh topi nuk mund të jemi. Zgjidhja duhet të jetë me PD dhe opozitën.
U desh aksioni 6 mujor i opozitës, u desh të dalin gjithë këto skandale të tmerrshme, nga VOA dhe Bild, që të sensibilizohet faktori ndërkombëtar që ky vend ka një diktator dhe nuk ka demokraci, u shpreh Noka.
Syri.net
