Ish deputeti demokrat, Gent Strazimiri, përmes një postimi në Facebook, gjen një mënyrë të veçantë për të komentuar vizitën e zyrtarit të lartë të DASH në Tiranë, David Kostelancik.
Duke iu referuar deklaratave të herë pas hershme të qeverisë dhe mediave pranë saj se, partneri strategjik i Shqipërisë është Turqia, Strazimiri shkruan ndër të tjera se, “partneri strategjik i shqiptarëve, siç duket, nuk është më partneri strategjik edhe i qeverisë”.
“I dërguari i SHBA, PARTNERIT STRATEGJIK të SHQIPTARËVE, është “akomoduar simetrikisht” me “stafin” e Taulant Ballës… Diplomacia, marrëdhëniet ndërkombëtare, kanë një “gjuhë” shenjash, një “gjuhë” të vetën që jo gjithmonë flitet me gojë… Partneri strategjik i shqiptarëve, siç duket, nuk është më partneri strategjik edhe i … qeverisë!!!”, shkruan Strazimiri në reagimin e tij.
