Këto janë pamjet e trishta të tragjedisë që goditi familjen Gjokola, mbrëmjen e së premtes në Librazhd.
Daut Gjokolla, 53 vjeç, ka vrarë me thikë gruan e tij Lule Gjokola, 49 vjeçe, në shtëpinë e tyre në katin e katërt të një pallati në lagjen “Shkumbin.” Tragjedia ka ndodhur në orën 22:40, pasi çifti ishte kthyer nga një shëtitje dhe dyshimet janë se midis tyre ka pasur ndonjë krizë xhelozie.
Burri, pasi e ka lënë Lulen të goditur me thikë, në grahmat e fundit të jetës, është hedhur vetë nga kati i katërt dhe ka vdekur nga përplasja në trotuar, siç shihet edhe nga pamjet.
Pasi Daut Gjokola është hedhur nga pallati, është parë se gruaja e tij ishte ende gjallë, pavarësisht goditjeve të shumta me thikë. Por, ajo humbur jetën sapo ka mbërritur në spital.
Dy fëmijët e rritur të Lule dhe Daut Gjokolës nuk ndodheshin në shtëpi në momentin kur prindërit janë grindur për vdekje.
Njoftimi i Policisë:
Në lagjen “Shkumbin”, Librazhd, në banesë shtetasi D. Gj., 53 vjeç, gjatë një konflikti për motive të dobëta ka goditur me mjet të mprehtë (thikë) bashkëshorten e tij shtetasen L. Gj., 49 vjeçe, dhe me pas shtetasi D.Gj., është hedhur nga kati i katër i apartamentit të tij, për pasojë ka dërruar jetê.
Bashkëshortja e tij është transportuar menjëherë për në spital por si pasojë e plagëve të marra ka ndêrruar jetë sapo ka mbrritur në spital. Në vendngjarje shkoi grupi hetimor dhe po punon për sqarimin e plotë të rrethanave të ngjarjes.
