Nëpërmjet një postimi në Twitter, kryeministri Edi Rama ka njoftuar nisjen e një fushate kundër korrupsionit në universitete, por mënyra që ka zgjedhur për të bërë këtë është sa qesharake aq dhe e turpshme edhe anti-ligjore.
Për të luftuar korrupsionin në çdo institucion të vendit duke përfshirë edhe sistemin arsimor ekzistojnë struktura të posaçme të shtetit siç janë policia, prokuroria apo zyrat e auditimit në ministrinë e Arsimit. Por duke e ditur dështimin ndaj luftës kundër korrupsionit në të gjithë nivelet (I vënë edhe si kusht i fortë për hapjen e negociatave), Edi Rama, sot ka prezantuar “filmin” e radhës propagandistik.
Rama shprehet edhe për një nxitje për studentët që denoncojnë dhe sjellin prova korrupsioni nga kushdoqoftë. Këta studentë, sipas Ramës, do të marrin bursa njëvjeçare.
