Pedagogu i Universitetit të Elbasanit Denis Himçi, i cili u ndalua nga policia pas një video përgjimi ku i kërkonte favore seksuale një studenteje për ta ndihmuar në marrjen e provimeve po kalon ditë të vështira.
Mësohet se Himçi, i cili është pezulluar nga puna në universitetin e Elbasanit është transportuar nga paraburgimi fillimisht në urgjencën e Qendrës Spitalore të Elbasanit. Pas një kontrolli aty është nisur për në Repartin e Neurologjisë në Tiranë ku edhe ndodhet aktualisht nën kujdesin e bluzave të bardha. Mjekët kanë konstatuar gjendje të rëndë depresioni të Himçit, i cili akuzohet për korrupsion.
