Situata tek Manchester United duket se nuk ka përmirësime pas ndeshjes së humbur në transfertë me West Ham ditën e djeshme.
Pas dy sukseseve të mëparshme në Premier league dhe Europa League djajtë e kuq nuk arritën të marrin pikë ndaj West Ham duke humbur me rezultatin 2-0.
Në minutën e 44’ janë vendasit që kalojnë në epërsi me anë të Yarmolenkos, një kombinim në zonën e United të cilët i kap në befasi. Trajneri i djajve, Solskjaer kërkon të rikthehet në lojë duke shfrytëzuar të tre zëvendësimet por përsëri nuk arrin të gjejë rrugën e rrjetës.
Golin i “knockout-it” për United e shënon CressWell i cili shëndrroi një goditje dënimi në një perlë të vertetë, duke e dërguar topin në trekëndëshin e portës.
Kaq i mjaftoi West Ham që të merrte 3 pikë të plota duke u ngjitur në vendin e pestë në kuotën e 11 pikëve.
Ndërsa për Manchester United telashet nuk kanë fund pasi në 6 ndeshje të luajtura kanë arritur vetëm 8 pikë të cilat e lënë në vendin e tetë.
