Kryetarja e LSI-së Monika Kryemadhi tha mbrëmjen e sotme se pajisja e përgjimeve Imsi Catcher që hyri në Shqipëri me anë të Drejtorisë së Burgjeve, u përdor më pas nga Saimir Tahiri për përgjime.
“Ju e dini shumë mirë që aparatura e përgjimit hyri nëpërmjet Drejtorisë së Burgjeve, që e përdori Saimir Tahiri. Kështu që unë nuk kisha asnjë informacion që të përgjoja as drogaxhinjtë, as trafikantët, as politikanët. Përkundrazi, kam qenë viktimë e përgjimit.
Jeni përgjuar nga zoti Tahiri, u pyet Kryemadhi në studion e Syri Tv.
“Nga Zoti Tahiri, nga ai tjetri i SHIK-ut, Rama”, deklaroi Kryemadhi.
E pyetur nëse edhe ajo ka rënë viktimë e përgjimeve, Kryemadhi e ka pranuar që ‘po’, ndërsa shtoi se edhe tani po bëhen përgjime.
