Ish-drejtori i Policisë në Filipine, Gjenerali Oscar Albayalde po përballet me një ankesë penale në lidhje me rishitjen e pretenduar të drogave të konfiskuara.
Albayalde dha dorëheqjen javën e kaluar mes akuzave se kishte ndërhyrë për të mbrojtur oficerët e policisë të përfshirë në tregtinë e paligjshme të drogës.
Ai drejtoi luftën kundër drogës të shpallur nga Presidenti Rodrigo Duterte.
Gjenerali Albayalde mohon akuzat, por tha se ai mirëpriti hetimin e policisë.
Një hetim i Senatit, i mbajtur këtë muaj, rekomandoi që Gjeneral Albayalde dhe 13 oficerë policie nën komandën e tij të akuzohen për drogë, ryshfet dhe rishitje të narkotikëve të konfiskuar në 2013.
Ankesa penale u ngrit të hënën nga Grupi Kombëtar i Filipineve i Hetimeve dhe Detektimeve Kriminale (PNP-CIDG), organi i ngarkuar me hetimin e krimeve të kryera nga policia.
Departamenti i Drejtësisë do të vendosë nëse do të ndjekin penalisht ish-shefin e policisë dhe 13 të tjerët bazuar në akuzat e ngritura.
