Buzët mund të kthehen në sinjalizuese të problemeve të ndryshme që mund të kemi me shëndetin. Ato janë shumë të ndjeshme dhe padyshim duhet t’i kushtojmë një vëmendje të veçantë kujdesit për to.
Disa nga ‘paralajmërimet’ për shëndetin që mund të dalloni nga buzët janë:
Buzë të thata dhe të çara
Tharja apo çarja e buzëve mund të jetë një tregues i mungesës së lagështisës në pjesën tjetër të trupit. Diçka e tillë mund të jetë rezultat edhe i stresit apo temperaturës. Në ndihmë do t’iu vijë pirja sa më shumë e ujit dhe përdorimi i kremrave hidratues. Megjithatë një tjetër arsye për çarjen e buzëve mund të jetë edhe një alergji.
Buzë të fryra
Fryrja e buzëve mund të ndodhë për shkak të ndonjë reaksioni alergjik. Nëse keni vënë re se buzët tuaja bëhen më të mëdha sa herë që përdorni disa produkte kozmetike, atëherë nuk duhet t’i përdorni më.
Plasaritje në çepat e buzëve
Lagështira në çepat e buzëve, krijon kushtet për infeksione. Kur pështyma bllokohet në çepat e gojës, ajo than lëkurën dhe krijon plasaritje.
