Nisma “Për shqiptarët dielli lind në Perëndim” e ndërmarrë nga aktivisti Aulon Kalaja si dhe profesorë, intelektualë e aktivistë të tjerë ka vijuar turin e takimeve në rang vendi por edhe në Kosovë, ndërsa sot është ndaluar në qytetin e Kukësit.
Sipas Kalasë, nisma e Ramës është e pakonsultuar me qytetarët shqiptarë dhe është përjashtuese ndaj Kosovës, ndërsa theksoi se kjo nuk është asgjë më shumë veçse tentativë për të krijuar Jugosllavinë e re.
Kjo vjen pas takimeve që janë ndërmarrë nga drejtuesit e shteteve ballkanike Edi Ramës, Alkesandër Vuçiç dhe Zoran Zaev, dhe mospjesmarrjes në këto takime të Malit të Zi dhe Kosovës nnë të ashtuquajturin Mini-shengeni Ballkanik.
Nisma “Për shqiptarët dielli lind në Perëndim” synon ndërgjegjësimin e qytetarëve për të kundërshtuar planin e Ramës që sipas aktivistëve synon krijimin e Jugosllavisë së re dhe dëmton aspiratat perëndimore të vendit.
