Partia Demokratike ka bërë publike dokumentin që hedh poshtë dhe e nxjerr të pavlefshëm, lejen e ndërtimit në Unazën e re.
Ish-deputeti demokrat Klevis Balliu ka treguar sot para medias, mungesën e studimit topografik dhe të një drejtuesit teknik në fushën e gjeodezisë të kompanisë AVE Consalting, fakte këto që e bëjnë të pavlefshme lejen e ndërtimit në Unazën e re, pasi rritin koston.
Projekti korruptiv i Unazës së Re, që po shkatërron shtëpitë e qindra familjeve për vjedhjen e qindra milionë eurove dhe ndërtimin e disa komplekseve me pallate në të njëjtin vend është pa një leje të vlefshme ndërtimore.
Që prej një viti, PD ka publikuar dokumente dhe të dhëna që tregojnë se projekti i Unazës së Re u nis si një projekt për të vjedhur, duke shkelur disa nga rregullat kryesore për ndërtimin e një vepre të tillë. Roli kyç në skemën e vjedhjes në projektin e Unazës së Re ka agjencia e Rrugëve, që në kundërshtim me ligjin e sponsorizimeve ka pranuar si dhuratë një projekt të gatshëm mbi 1 milionë euro nga AVE Consalting.
Një dokument tjetër tregon se kjo kompani nuk ka drejtues teknik në fushën e gjeodezisë.
Ky është një fakt shtesë për mungesën e studimit topografik pa të cilin nuk mund të projektohen detajet e zbatimit të projektit.
Mungesa e studimit sjell pasojat juridike në pavlefshmërinë e lejes së ndërtimit të projektit që kushton 20 milionë euro për 1 kilometër.
Aksi i rrugës zhvendoset sipas interesave korruptive të momentit dhe rritet kostoja e punimeve. Përveç anës teknike, në këtë çështje ka dhe një konflikt të pastër interesi të kompanisë që ka dhuruar projektin.
Nga njera anë AVE që ka projektin për shkatërrimin e qindra ndërtimeve, ka fituar tenderin për të mbyllur procedurat e legalizimeve informale. ”
Ky është dokumenti.
