Sandër Lleshaj nuk duket i kënaqur nga paga që merr si Ministër i Brendshëm.
Madje ai është ankuar ditën e sotme në Komisionin e Sigurisë Kombëtare, ku ka habitur jo pak ndërsa ka deklaruar pagën e tij të vërtetë.
Ai tha përpara anëtarëve të komisionit se merr 900 euro rrogë sa roja i homologut të tij në Kosovë.
Lleshaj tha se këtë e ka mësuar në një takim me ministrat e Ballkanit që me sa duket veç çështjeve të rëndësishme për të cilat flasin, diskutojnë edhe problemet e rrogave
‘Me këtë buxhet nuk është parashikuar rritje page për punonjësit e policisë. Sigurisht që duhet rritje dhe do parashikohet në 6 mujorin e dytë.
Gjatë një takimi që pata me ministrat e Ballkanit mora vesh se roja i Ministrit të Brendshëm të Kosovës tha se merrte 900 € pagë.
Roja atje merr aq pagë sa kam edhe unë’, tha Lleshaj në Komisionin e Sigurisë Kombëtare.
