Shqipëria shpenzon nga buxheti i saj 1.11 milion dollarë për trajtime të ndryshme të qenve të specializuar të cilët teorikisht u shërbejnë forcave të policisë dhe atyre të emergjencave civile për operacione të ndryshme.
Megjithatë që prej rënies së tërmetit të fuqishëm të orëve të para të mëngjesit të djeshëm, u vu re një mungesë e theksuar e qenve kërkues deri në mbërritjen e ekipeve të specializuara nga Kosova e vendet e tjera që ishin të pajisura më mjete të tjera të specializuara për kërkime të kësaj natyre.
Të dhënat janë publikuar nga Aranita Brahaj e ‘Open Data Albania’, që ka treguar zërat e shpenzimeve nga buxheti i shtetit për trajtimin e qenve.
‘Qen që nuhat njerëz nën rrënoja tërmeti nuk kishim. Rroftë qeni që erdhi nga Kosova. Ama me Thesarin tonë kemi vite që majmim qen për ushqim e trajnim qeni. Urdhëro 1.11 milion USD pagesa nga taksat tona për qen. Këta KÇK dhe me lugën e qenit,’ – shkruan ajo
