Nga Avni Delvina.
Natën është shumë e vështirë të lyesh dhe aq më tepër një shkallë ku ka shumë fraktura e krijohen shumë hije.
Bojën duhet ta japësh të trashë që të mbuloj mirë dhe ruli nuk rrëshqet siç duhet.
Spostimet e shkallës së bojaxhiut duhet t’i bësh në qetësi e pa zhurmë, që mos të zgjosh banorët…
Kur je dhe pa eksperiencë, bëhesh shumë pis dhe ciklat e bojës që lëshon ruli, të bëjnë pis.
E mira është që mureve t’u japësh dy duar që të zbardhen siç duhet, por koha nuk premton dhe mëngjesi është pranë.
Para se të fillosh të shtrosh rulin mbi mure, e mira është që qoshet t’i bësh me një penel të gjërë rreth katër gisht.
Të duhet një leckë e lagur, që pikat e bojës që bien mos t’i lësh të thahen se mezi hiqen.
Megjithatë bojërat e sotme janë komode dhe megjithëse mund të bëhesh pis, mjafton një dush me ujë të ngrohtë dhe gjithçka pastrohet…
Në një farë mënyre, siç thotë populli : Puna e natës, gazi i ditës!.. .por ca gjëra, je i detyruar t’i bësh!
