Vjen letër-porosia nga Italia për kandidatin e Ramës: Valdrin Pjetri i dënuar dhe i dëbuar për drogë …

PD para pak muajsh ka denoncuar kandidatin e PS për Shkodrën Valdrin Pjetri, se ishte i dënuar për drogë dhe vjedhje në Itali.

Ndërkohë Prokurorinë e Tiranës ka mbërritur letër-porosia, nga Italia për kandidatin e dorëhequr të Edi Ramës në bashkinë e Shkodrës, Valdrin Pjetri.

Letër-porosia e cila mësohet se ka mbërritur në 28 nëntor, konfirmon denoncimin e Partisë Demokratike, ku theksohet se Pjetri është proceduar penalisht për trafikim të lëndëve narkotike.

 

Sipas letër-porosisë, pas dënimit në vitin 2003, drejtësia italiane kishte rënë dakord që Pjetri të mos bënte burg, por të largohej nga Italia e të mos kthehej më.

 

Kujtojmë se Partia Demokratike publikoi dokumente, të cilat dëshmojnë se i zgjedhuri i Partisë Socialiste për kryetar të Bashkisë së Shkodrës Valdrin Pjetri, ka qenë i dënuar në Itali nën akuzën e prodhimit dhe trafikimit të substancave narkotike.

Një dënim të cilin ai nuk e ka deklaruar në formularin e dekriminalizimit.