Ka nisur punimet Komisioni Parlamentar për Edukimin dhe Median ku të pranishëm kanë qenë edhe gazetarë e përfaqësues të grupeve të interesit mbi mbi 2 projektligjet e Paketës Anti-shpifje të propozuar nga kryeministri Edi Rama
Mbledhja ka nisur me debate të forta ndërsa gazetari Ylli RakipI i ka quajtur dy projektligjet e Paketës Anti-shpifje si diçka totalitare dhe fashiste. Rakipi ka debatuar me deputeten socialiste Milva Ekonomi se i vinte turp ta shikonte qeverinë dhe deputetët në këtë gjendje.
“Kjo është iniciativë e kryeministrit dhe kryetarit të Partisë po tenton të instalojë komunizmin, që është Edi Rama. Ju më mirë se ne e shikoni se çfarë ndodh në politikën perëndimore. Paketa anti-shpifje është iniciativë personale e kryeministrit që e ka prezantuar disa herë. Ndoshta disa prej jush jeni të kënaqur me daljet e liderit i cili del me imazhin e Muhamedit, e keni parë si vishet. Pastaj thotë nëpër rrugët e Kasharit, pushojeni këtë hale. Kanë prirje fashiste që e vendosin median online në funsksionin e dy institucioneve që kontrollohen nga qeveria. Do të marrin vendime për të goditur mediat me ato shifra, mbyllje që bën lideri ynë suprem. Urdhëri administrativ duhet të dalë në gjykatë, këtë do të bëni ju deputetë, por dijeni se turp do të jetë.
Këto projektligje nuk janë të ngjashme me asnjë iniciativë në vendet demokratike, edhe sikur ju të merrni copëza aty këtu, do t’ju dali shëmtirë dhe do t’ju vijë turp nesër, mbase jo sot, por nesër nga vetja. Disa pronarë që kanë rrëmbyer gjithçka dhe vazhdojnë të rrëmbejnë që paguajnë Edi Ramën, nuk kanë nevojë të shkojnë në gjykatë, kjo është fashiste. Ju po bëni një krim. Kjo praktikë asnjërit nuk i shërben, unë jam dëshmitar i 2 gjyqeve të kryeministrit, më ka thirrur për agjitacion e propagandë dhe kërkon të më dënojë. Një turp i madh, jo për shpifje, merreni me mend çfarë do të bëjë ai në Këshillin e Ankesave që do të caktojë vetë drejtuesit. Ne jemi njerëz që përcjellim atë çfarë ndodh këtu”, tha Rakipi.
Gazetarja Mimoza Koçiu tha se nuk ka pasur një bashkim më të madh të medias si ky kundër projektligjeve të Paktës Anti-shpifje të propozuar nga kryeministri Rama.
Ajo theksoi se prej një viti është bërë thirrje që të tërhiqet kjo paketë, pasi dëmton rëndë lirinë e medias dhe shton censurën.
“Kemi një komunitet shumë të madh mediash që na përcjellin dhe na mbështesin. Ajo çfarë kemi paraqitur në deklaratë, është se ne si grupim prej 15 organizatash të shikoni se sa e madhe është pjesmarrja që kemi këtu. Në mënyrë të përsëritur që prej dhjetorit të një viti më parë, përmes deklaratave tona kemi kërkuar qeverisë të tërheq projektligjet anti-shpifje dhe kemi dhënë argumentet tona. Ne nuk kemi organizuar raste kur shpifja nuk ka gjetur referime në Gjykatë, ne e quajmë këtë përpjekje për censurë ndaj ju kërkojmë ta tërhiqni. Nuk jemi të gjithë në një zë, por si kurrë më parë këtë herë jemi të gjithë bashkë, ky është shqetësim që e kemi për një periudhë afatgjatë”, tha Koçiu.
Deklarata e përbashkëte 15 shoqatave:
