Ministri i Jashtëm në detyrë i Kosovës Behgjet Pacolli ka premtuar më herët se do të ndërtojë banesa për të prekurit nga tërmeti në Thumanë, ndërsa sot ka publikuar edhe kompleksin që do të bëjë gati për familjet në këtë qytezë të Shqipërisë.
Postimi i Behgjet Pacollit:
Të dashur miqtë e mi,
Me një shpejtësi rekorde përfundoi projekti i ndërtesave me apartamente moderne, që do të ndërtohen në Thumanën e goditur nga tërmeti rreth 3 javë më parë. Tani është çdo gjë gati për të filluar ndërtimi, i cili do të financohet komplet nga familja Pacolli, nëpërmjet fondacionit “Behgjet Pacolli”. Falënderoj të gjithë grupin që punuan në punët pregaditore dhe projektuese.
