Një 19-vjeçar është arrestuar për vrasjen e një prifti të dyshuar pedofil duke goditur kryqin që mbante në qafë poshtë fytit akt i cili i ka marrë jetën.
Alexandre V., i cili dyshohet se është abuzuar nga prifti, sulmoi katolikun 91-vjeçar Roger Matassoli ndërsa punonte në shtëpinë e figurës së shenjtë në Agnetz, Oise, në Francën veriore.
Alexandre, emri i plotë i të cilit nuk është bërë i njohur, u arrestua ndërsa ai u përpoq të shpëtonte duke ikur me makinën e babait dhe u akuzua për tortura, vrasje dhe rezistencë ndaj arrestimit.
Matassoli ishte akuzuar për abuzime seksuale nga të paktën katër djem, përfshirë babanë e Alexandre, midis viteve 1960 dhe 2000.
Prifti duhej të zhvendosej nga dioqeza e Clermont në 1967, dhe dioqeza e Shën-Andre-Farivillers deri në vitin 1984 para se të dërgohej për të jetuar në Agnetz për shkak të akuzave për pedofili, raporton Franceinfo.
E megjithatë ai mbeti në listën e pagave të kishës deri në vitin 2018.
Prifti u gjet i vdekur nga oficerët me shenja torturash në trupin e tij dhe dukej se kishte pësuar asfiksim në shtëpinë e tij në 4 nëntor. Sidoqoftë, sulmuesi nuk u akuzua zyrtarisht deri më 26 dhjetor pasi u transferua në spital për shkak të problemeve psikiatrike.
Babai i të dyshuarit, Stephane, vrau veten kur mësoi për abuzimin, dhe Alexandre gjithashtu u përpoq të vriste veten pas abuzimit, kanë pohuar raportet franceze.
Stephane tha gjithashtu se prifti kishte ‘shkatërruar një familje të tërë’. Policia po ndjek hetimin e tyre bazuar në hipotezën se ky ishte një akt hakmarrjeje, sipas mediave lokale. Alexandre u ka thënë hetuesve se nuk ka kujtesë të ngjarjeve.
Motra e një burri që u abuzua nga prifti në Saint-Andre-Farivillers tha që ai ishte në shënjestër midis moshave 6 dhe 15 vjeç, shkruan Franceinfo, transmeton Faxëeb.al
Colette pretendoi se të gjithë në fshat i dinin thashethemet, por askush nuk ndërmori veprime.
Një fotografi e Matassolit e zhveshur lakuriq u gjet në një deponi nga komuniteti në 1984, por përsëri nuk u mor asnjë veprim. Prifti pretendonte në atë kohë se ishte një suvenir nga ushtria kur ishte 18 vjeç.
Pas vrasjes së priftit, peshkopi Beauvais Zhak Benoit-Gonnin tha që Roger Matassoli ishte larguar nga detyrat e tij në 2009 pasi u shfaqën akuza abuzimi.
Sidoqoftë, raportet kundërshtuese të mediave lokale deklarojnë gjithashtu se 2009 ishte viti që prifti u tërhoq për shkak të pleqërisë.
Gjithashtu u shfaq më vonë se peshkopi Zhak Benoit-Gonnin kinse e mbante Matassoli në listën e pagave deri në vitin 2018, kur ai mori në konsideratë dëshminë e Alexandre dhe Stephane, si dhe dëshminë e të paktën dy viktimave të tjera të pretenduara, ende sipas mediave lokale.
Raportet pretendojnë se prifti ishte lejuar të vazhdonte punën për shkak të ‘gabimeve kishtare’ dhe për shkak të një rradhësie të peshkopëve që hiqnin dorë nga puna.
