Mbrëmjen e djeshme pranë një lokali në zonën e Astrit në Tiranë u vra me armë zjarri 28-vjeçari Vilson Tafçiu Noka.
Mësohet se familja e tij në Dibër ka hapur dyert e mortit. Familjarë, të afërm dhe miq kanë shprehur ngushëllimet në rrjetet sociale për vdekjen e 28-vjeçarit. Ata shprehen se janë hidhëruar shumë nga lajmi që kanë marrë.
“Zoti shpirtin ne xhehnet inshallah Vilson Noka …do ngelesh gjithmonë nw zemrat tona”, shkruan njëri prej tyre.
Mbrëmjen e djeshme në orën 20:45 u ekzekutua me armë zjarri në Astir Vilson Tafçiu Noka.
Mësohet se 28-vjeçari ishte ulur në një lokal në këtë zonë në momentin që u thirr nga jashtë nga disa persona.
Sapo Vilsoni kaloi pragun e lokalit u qëllua me tre plumba në gjoks nga personat që e thirrën dhe mbeti i vdekur në vend.
Për këtë ngjarje Policia ka identifikuar autorin e dyshuar i cili është me iniciale N.D. Ky i fundit është shpallur në kërkim nga Policia.
