Prej disa ditësh tashmë Kina dhe vende të tjera janë vënë në alarm, pasi 17 persona kanë humbur jetën si pasojë e një koronarovirusi, ndërkohë që në total dyshohet se janë prekur 581 persona.
Mediat raportojnë se qyteti në të cilin u shfaq pikërisht ky virus Wuhan është izoluar nga ana e transportit.
Të gjitha shërbimet e transportit janë mbyllur por edhe shumë vende të botës kanë anuluar fluturimet drejt këtij qyteti, ndërkohë banorët e Ëuhan duan të braktisin qytetin, por nuk munden,pasi autoritetet kanë dyshime se ata mund të jenë kontaminuar.
CNN shkruan se tashmë po punohet në një pistë tjetër për të gjetur shkakun e koronavirusit. Dyshohet se vjen nga gjarpërinjtë e pikërisht nga kobra apo kraiti kinez pasi këto lloje gjendet shumë të përhapura në këtë rajon.
Por sot pikërisht Organizata Ndërkombëtare e Shëndetit do të vendosë nëse koronavirusi përbën emergjencë globale apo jo pasi janë shfaqur dhe raste shumë larg Wuhan, si në SHBA, Meksikë apo dhe Rusi.
