Kasaforta me rreth 4 mijë euro në një banesë në Lushnje është grabitur nga persona ende të paidentifikuar. Burimet nga policia konfirmuan ngjarjen për gazetaren e Panorama se, autorët kanë hyrë në banesë nga dritarja, duke i thyer xhamat.
Banesa e vendosur në lagjen “Gafur Muço” në Lushnjë, mësohet se është në pronësi të shtetasit L. Dervishi.
Policia ka marrë në pyetje të zotin e shtëpisë. Ky i fundit ka deklaruar se në kasafortë kishte kursimet e shtëpise, një shumë rreth 4 000 euro.
