Ditën e sotme, në një zonë malore në fshatin Broboniq të Mitrovicës, u gjet i vdekur një 50-vjeçar i varur në litar.
Menjëherë pas lajmërimit, në vendin e ngjarjes ka mbërritur policia edhe ekipi mjekësor, ku është konstatuar se viktima S.H. 50-vjeçar, ishte pa shenja jete.
Hetuesit policorë me autorizim të prokurorit i kanë nisur hetimet drejt zbardhjes së rrethanave të rastit.
Pas përfundimit të procedurave në vendin e ngjarjes me urdhër të prokurorit të rastit, trupi i pajetë i viktimës është dërguar në Institutin e Mjekësisë Ligjore për obduksion.Sipas rrethanave të ngjarjes rasti është iniciuar si “vdekje e dyshimtë’’.
