Edhe Elez Biberaj, drejtori i Zërit të Amerikës për Euro-Azinë, personalitet i shquar shqiptaro-amerikan, i cili në vitin 1991, shoqëroi Sekretarin Amerikan të Shtetit, Xhejms Bejker në vizitën e tij historike në Shqipëri, i bashkohet sot thirrjes “E duam Shqipërinë si gjithë Europa”.
“E duam Shqipërinë si gjithë Europa” është një ndër mesazhet kryesore të manifestit të thirrur sot nga Presidenti Ilir Meta.
Këtë mesazh, Biberaj e ka sjellë në rrjetet sociale pak orë para nisjes së manifestit, shoqëruar me një foto të marsit vitit 1991.
“Tiranë, mars 1991: E duam Shqipërine si gjithë Europa!”- shkruan Biberaj, krahas fotos.
