Sulmuesi shqiptar Armando Broja, debutoi për skuadrën e parë të Chelsea-t në fitoren 4-0 kundër Everton, duke zëvendësuar katër minuta para fundit të ndeshjes Olivier Giroud, autorin e golit të katërt. Broja, 18 vjeç, u bë kështu shqiptari i parë që luan për klubin londinez, një shpërblim për punën e mirë që ka bërë te skuadra e të rinjve.
Mount dhe Pedro në pjesën e parë, Willian dhe Giroud në të dytën, shënuan golat e fitores për skuadrën e Frank Lampard, kundër ish-trajnerit të tij, Ancelotti.
