Eshte rritur ne Spanjë numri i viktimave nga koronavirusi, në 491, nga 309, sa ishte një ditë më herët.
Numri total i të infektuarve në këtë vend ka arritur në mbi 11,100. Spanja ka mbyllur kufijtë e saj dhe ka nisur izolimin e pjesshëm të 47 milionë njerëzve.
Në mesnatën e shkuar, autoritetet atje kanë nisur t’i ndalojnë makinat që kalojnë kufirin nga Franca dhe Portugalia.
Madridi mbetet zona me numrin më të madh të rasteve me koronavirus – 4,871, ndërsa pas tij vjen Katalonja me 1,394.
Autoritetet kanë thënë se mbi 1,000 njerëz janë shëruar nga koronavirusi në Spanjë.
