Evropa po mobilizohet përkrah Italisë, por duhet të pranohet se në ditët e para të krizës, përballë nevojës për një përgjigje të përbashkët, shumë kanë menduar vetëm për problemet e tyre të shtëpisë”.
Kështu shkruan në një letër Presidentja e Komisionit të BE-së, Ursula von der Leyen. Sipas saj ajo që ndodhi me Italinë ishte një sjellje jo e drejtë që mund të ishte shmangur, por tani Evropa ka ndryshuar ritmin e saj.
Në letrën e publikuar nga La Repubblica, von der Leyen nënvizon se Italia është prekur nga koronavirusi “më shumë se çdo vend tjetër evropian”.
“Ne jemi dëshmitarë. Mijëra njerëz që kanë humbur të dashurit e tyre. Mjekët në lot në repartet e spitalit. Një vend i tërë, dhe pothuajse një kontinent i tërë, i mbyllur për karantinë “, shkruan ajo.
Për numrin një të Komisionit të BE-së, megjithatë, Italia “është bërë gjithashtu burimi më i madh i frymëzimit për të gjithë”.
“Mijëra italianë, stafi mjekësor dhe vullnetarët, iu përgjigjën thirrjes së qeverisë dhe nxituan të ndihmojnë rajonet më të prekura. Industritë e modës tani po bëjnë maska mbrojtëse, prodhuesit po mbushin sanizuesin e duarve. Muzika nga ballkonet ka mbushur rrugët e shkreta, duke ngrohur zemrat e miliona njerëzve “, shkruan von der Leyen.
Në fund Presidentja e KE shkruan se “Ne kemi bërë gjithçka që është e mundur për t’i sjellë vendet evropiane të arsyetojnë si ekip dhe të sigurojnë një përgjigje të koordinuar për një problem të përbashkët. Dhe ne kemi parë më shumë solidaritet këtu në Evropë sesa kudo tjetër në botë.”
Ajo thotë më tej se ata do të bëjnë më shumë për Italinë, por duke mos dhënë detaje se për çfarë bëhet fjalë.
