Këngëtarja e njohur Madonna ka publikuar çdo ditë video nga karantina në rrjete sociale, si një tip ditari.
Në videon e saj të fundit ajo ka rrëfyer se ka humbur tre të afërm nga Koronavirusi.
“Nuk kemi gjithmonë ditë të mira. Nuk kam fjetur fare mbrëmë dhe sot kam qenë e dërrmuar….Metri i dhimbjes ka kaluar mbi 10 dhe unë dua, duhet, kam nevojë të dal nga trupi im”, shprehet këngëtarja në video.
Më pas ajo ka rrëfyer se brenda 24 orësh ka humbur nga Koronavirusi kushëririn e saj, vëllain e rojes së saj të sigurisë dhe drejtuesin e muzikës Orlando Puerta, i cili ka punuar në shumë prej këngëve të saj.
