Kryeministri Edi Rama ka deklaruar se nuk e ka bërë testin për COVID 19, mirëpo gazetari Artur Çani pretendon të kundërtën.
I ftuar në emisionin “360 Gradë” në Rtv Ora, Çani tha se se kryeministri ka gënjyer pasi i kanë marrë tamponin në zyrën e tij me 23 mars të këtij viti.
“Rama ka gënjyer hapur duke thënë se nuk e ka bërë testin për koronavirusin. Unë po e them këtu hapur që me datë 23 mars të këtij viti Rama e ka bërë analizën, ja kanë bërë në zyrën e tij me këta të laboratorit qëndror të spitalit amerikan. Nuk e ka bërë madje as me emrin e tij. Kanë qenë disa njerëz prezent, nuk ka qenë i vetëm. Dhe prapë tha nuk e kam bërë,”-tha gazetari.
