PD i është përgjigjur përmes sekretarit të përgjithshëm Gazmet Bardhi ftesës së bërë sot nga kryeministri Rama, për të bashkuar forcat në luftën kundër Covid-19.
Për demokratët, ftesa e sotme e kryeministrit Edi Rama është fallco, dhe sipas tyre bëhet vetëm për të mbulur dështimin e tij.
Deklaratë e Sekretarit të Përgjithshëm të PD, Gazment Bardhi
“Edi Rama kërkon të fshihet pas thirrjeve fallco për bashkëpunim me opozitën për të mbuluar dështimin e tij. Ai ka refuzuar që në fillim bashkëpunimin dhe ndihmën konstruktive të opozitës. Madje ka harxhuar energji dhe orë të tëra duke sulmuar opozitën me batuta ordinere dhe bajate, në vend që të fokusohet tek emergjenca. Ftesat janë fallco dhe bëhen vetëm për të mbuluar dështimin e tij, që këtë radhë është edhe më i madh dhe i dëmshëm se më parë.” – deklaron Bardhi.
Në daljen për mediat, ku prezantoi paketën e dytë ekonomike në ndihmë të ekonomisë për shkak të krizës nga Covid-19, kreu i qeverisë edhe pse nuk i kurseu akuzat ndaj opozitës, shtriu dorën e bashkëpunimit, duke kërkuar të bashkojnë forcat në luftën ndaj virusit.
