Reshjet e ditës së djeshme i lënë vend motit me diell dhe rritje temperaturash, por në zona të izoluara do të ketë edhe reshje shiu të pakëta.
Në vendin tonë moti sot do të jetë i alternuar me kthjellime dhe vranësira të cilat do të sjellin reshje të izoluara pothuajse në të gjithë territorin. Fillimi i javës pritet të ketë mot të kthjellët.
Sipas Meteoalb, temperaturat do të pësojnë një rritje të lehtë ku do të variojnë: në zonat malore, nga 05ºC në 17ºC, në zonat e ulëta nga 10ºC në 25ºC dhe në zonat bregdetare nga 14°C në 25ºC.
Era do të fryejë në drejtim Verior- Veriperëndimor ndrësa forca e valëzimit në det 4 ballë.
Në Kosovë moti do të jetë i kthjellët i shoqëruar me vranësira të cilat do të sjellin reshje të izoluara në të gjithë territorin. Temperaturat do të pësojnë një rritje të lehtë ku do të variojnë: në zonat malore nga 05ºC deri në 17ºC dhe në zonat e ulëta nga 10ºC në 20ºC.
