Nga Altin Hazizaj
Ne mendjen e tij, si adoleshent i deshtuar, Hitleri duhet te kete besuar se kishte te drejte te vriste Hebrenjte, pasi sipas tij, i kishin hequr te drejten e shkollimit per piktor! Ne asnje moment mendja e tij e mbrapshte dhe makabre, nuk mund te shihte pertej egos se tij, qe ishte me te madhe se vetja, qendronte nje deshtak, qe per te kenaqur unin e tij, ishte gati te digjte e shkaterronte çdo gje! Sikur bota ta dinte kete, me shume mundesi nuk do te kishte patur lufte te dyte boterore!
Ne sot, as me shume e as me pak, po vuajme te njejten histori! Nje deshtak paranojak, qe ka mendjen e nje femije tekanjoz, qe ne ngjashmeri absolute si Hitleri, mendon se fajin ia kane artistet dhe ne qindra-mijera qe i dalim kunder, per te mos-realizuar vizionin e tij per Tiranen dhe Shqiperine!
Ashtu si Hitleri, ai ka nje shpurre te tere njerezish, spiune, deshtake si ai vete, me te njejten ego qe vjen nga padituria, qe jane gati te na vrasin, te na vendosin trekendeshin e verdhe apo ate roze, e te na degedisin ne dhomat e gazit dhe vare masive, qe zeri yne te mos degjohet me; qe imazhi yne per polis-in tone te zhduket e bashke me te edhe fryma e lirise se mendimit dhe shprehjes qe ne ndajme çdo here!
Vetem ai, 1-shi, Fyhrer-i i tyre, ka te drejte te projektoje te ardhmen e qyteteve! Vetem ai ka te drejte te ndertoje ku dhe si te doje; vetem ai mund te shpall armiq kedo qe ai mendon se e rrezikon imazhin e tij per shoqerine dhe shtetin. Njesoj si Hitleri qe besonte tek raca inekzistente ariane, ashtu edhe ky, beson se po nderton nje shoqeri te re besimtaresh dhe nje kult individi, qe do ta ndjeke ate edhe pas vdekjes!
Shikoni se çfare i ka bere Qeverise dhe 110,000 mije punonjesve te saj te cilet çdo Twitter te Rames e ndajne si robote akrobate ne rrjetet e tyre sociale; çdo akuze te Rames e amplifikojne ne korr, si te jene qenie nje qelizore, te gatshem per te uleritur me krenari: Heil Rama pergjate 24 oreve.
Asnjehere me pare nuk ka patur Shqiperia post-komuniste nje tentative kaq te qarte te instalimit te kultit te individit dhe te kontrollit te pushtetit ne menyre absolute! Sot nje individ i vetem kontrollon Kuvendin, Qeverine, 61 bashki, drejtesine e “re”, mediat, polici, taksa e ushtri, si dhe çdo hallke tjeter pushteti qe vendos fatin edhe te qytetarit me te thjeshte ne Shqiperi! Mendoni çfare pushteti eshte ai qe vendos per jeten apo vdekjen tende! Nese mendon se e ke vete ne kontroll, te ka rrejt mendja!
I padituri, per shkak te frikes qe sjell injoranca, e gjen me te lehte te kontrolloje çdo gje, pavaresisht se nuk i kupton proceset e te Qeverisurit dhe ingranazhet e saj, sesa te ulet te mesoje artin e te Qeverisurit! Roma e lashte mund te kete patur 71 perandore, por sot bota nuk shikon tek Nero-ni shtetarin, por perkundrazi zjarrevenesin e qyteterimit! Por librat e lashte shkruajne edhe per Jul Cezarin apo Adrianin, burra shteti qe edhe sot frymezojne, sepse zgjodhen te qeverisin duke nxjerre ligje qe kufizonin pushtetin e tyre dhe jo duke e zgjeruar ate deri ne abuzim!
Po Shqiperia nuk ka patur asnjehere burra (apo edhe gra) te tille, shtetare vizionare qe krijojne qyteterim! Te vetmit shtetare qe ne kemi patur kane qene te gjithe te vrare ne endrra qe ne femijerine e tyre! Ata kane qene burra te dashuruar me pushtetin, si femija dashurohet me dhuraten e pare qe i bejne per ditelindje, e qe po ia mori apo perdori dikush eshte gati te kryeje vrasje! Çdo pushtetar qe ne kemi patur fatkeqesine qe te na drejtoje, ka shfaqur te njejtat makthe dhe komplekse si ai para-ardhes! Asnje prej tyre nuk e ka pare pushtetin si nje mundesi per te mesuar, po edhe zhvilluar aftesite drejtuese, qe duhen per t’i sherbyer qytetareve, por e ka pare ate si tepsi te ndarjes se çapit te bukes me klanin qe e mbeshtet!
Asnje Qeveri dhe pushtet demokratik nuk prish gjate nates, ne menyre tinzare, te fshehte dhe “me te futme”, sepse nese vendimi eshte demokratik askush nuk ka frike te ushtroje pushtetin qe vjen nga qytetari! Shembja e Teatrit Kombetar naten, vetem me solli edhe nje here ne mendje “kristallnaght” (Nata e kristaleve) anembane Gjermanise, kur forcat paramilitare te Hitlerit nisen sulmin e pare kunder Hebrenjve, dyqaneve, kafeneve, teatrove dhe bizneseve te tyre! Holokausti filloi me shkaterrimin e prones, me ate çka na perket ne, duke goditur dhe kriminalizuar ndergjegjen qytetare dhe duke i hedhur qytetaret kunder njeri-tjetrit!
Teksa shfletoja Facebook dhe Twitter pas prishjes se teatrit, çka me kujtoi trenat me hebrenj, gay, rome dhe disidente politike, qe niseshin drejt vdekjes se tyre thuajse te sigurt, ishin pyetjet e porositura te trupes mbi 110,000 zyrtareve publike qe paguhen nga ne, por qe i sherbejne 24/7 kultit te individit te Rames, fyhrer-it te tyre, qe ashtu si SS-et jane gati te na fusin ne trenin e rradhes…
Nese ne rrime e vezhgojme apo mbledhim “qelqet” nga renojat e ndertesave dhe institucioneve qe po shkaterrohen nje nga nje, nuk do te jete e larget dita kur dikush do te na kerkoje te ulerasim me sa ze kemi ne koke: HEIL RAMA! Por atehere do te jete shume vone dhe nga krematoriumet e qeverise do te kete dale me kohe tymi i rende i trupave dhe zerave tane qe digjen!
