Kryetarja e LSI Monika Kryemadhi bëri sot një denoncim të fortë nga studio e syritv, ku foli mbi një rast të ndihmave qe po jepen për të varfrit nga bashkia e Tiranes.
“Ty që të dhimbsen qytetarët, ke një vendim këtu, e ke vendim prokurim të drejtëpërdrejtë nga Bashkia e Tiranës për 11 mijë pako ushqimore për pagën e luftës. Bashkia e Tiranës ka tenderuar me prokurim të drejtëpërdrejtë te miqësia e tij, 600 e disa milionë lekë për të blerë 11 mijë pako. 62 milionë e 491 mijë lekë, që i bie pa TVSH për 11 mijë pako, diku te 56 mijë lekë, me gjithë TVSH i bie te 60 e disa mijë lekë për pako. Çfarë kanë në pako? Këtë bëni ju, mos u merrni me sistemin.
Makarona, 4kg
Oriz, 5kg
Vaj, 2l
Sheqer, 2kg
Kripë, 1kg
Salcë, 2kg
Fasule, 4kg
Miell, 25kg
Detergjentë, 5kg
Sapun duarsh, 5 copë
11 mijë pako. Unë sot, kam shkuar dhe kam blerë në supermarket, në mes të Tiranës, me pakicë, pakon që Z. Veliaj u ka shpërndarë 11 mijë fukarenjve. Unë kam blerë të njëjtat gjëra për 27 mijë lekë, me TVSH dhe me pakicë. Kam marrë edhe 4 kile fasule sepse janë dy supermarket të ndryshme… Pra, ky zotëria me shumicë ka blerë 44 ton oriz. Ky, sikur ti blinte me pakicë, ka vjedhur për çdo pakë, 15 euro. 15 euro herë 11 mijë, janë 161 mijë euro që i ka vjedhur fukarenjtë në një sekond.”.
