Fjalët e fundit të George Floyd, i cili vdiq pas arrestit në një mënyrë brutale nga një polic në SHBA, tani janë duke “fluturuar” në qiellin amerikan.
Ndërsa protestat kundër brutalitetit policor vazhdojnë, artisti Jammie Holmes, zgjodhi këtë mënyrë për të bërë që fjalët e fundit të 46-vjeçarit të mos harrohen.
Postera të tillë si “Ju lutem, nuk marr dot frymë” dhe “Ata do të më vrasin” janë parë në qiellin e Detroit dhe të Nju Jork, raportojnë mediat amerikane.
Të tjera aeroplane në Los Angeles, Miami apo Dallas tërhiqnin posterat me fjalët “Më dhemb qafa” dhe “Më dhemb gjithçka”. Fotot janë realizuar nga media prestigjoze amerikane CNN.