Një ngjarje e rëndë ka ndodhur në qytetin e Elbasanit mëngjesin e sotëm ku një 31-vjeçar dyshohet se është hedhur nga ballkoni i banesës e për pasojë ka ndërruar jetë.
Shtetasi me inicialet U.Xh., banues në lagjen “Beqir Dradha” në qytetin e Elbasanit dyshohet se ka kryer vetëvraásje ndërsa pas rënies nga ballkoni i banesës, është nisur me urgjencë për në spital, por ka ndërruar jetë gjatë rrugës.
Ende nuk janë të qarta shkaqet dhe rrethanat që e çuan të riun drejt një akti të tillë.
“Në lagjen “Beqir Dardha”, Elbasan, shtetasi U.Xh., 31 vjeç, është hedhur nga ballkoni i banesë së tij nga kati i katërt i një pallati dhe rrugës për në spital ka ndërruar jetë.
Grupi hetimor ndodhet në vendngjarje dhe po punon për zbardhjen dhe sqarimin e rrethanave të ngjarjes”, njofton policia.
