Presidenti Donald Trump mbajti një tubim fushate në Tulsa të Oklahomës të shtunën në mbrëmje, i pari që kur filloi pandemia e koronavurusit. Të gjithë stafi me në krye presidentin injoruan hapur koronavirusin duke u shfaqur përpara simpatizantëve pa maska. Rimëkëmbja e Amerikës, mposhtja e virusit dhe shteti ligjor kanë qenë kryefjala e fjalës së presidentit amerikan. Presidenti Trump ka ironizuar kinezët dhe virusin duke e përkufizuar me sarkazëm “kung flu”. Një thirrje të fortë ka bërë në drejtim të Angela Merkel, duke deklaruar se zonja gjermane nuk paguan 2 përqind për NATO ndërkohë që shpenzon miliarda për të blerë nga Rusia.
Aktiviteti i presidentit amerikan është censuruar nga mediat kryesore amerikane dhe shumë media e kanë konsideruar dështim. Mospasqyrimi i djeshëm i aktivitetit të Trump tregon se koalicioni mediatik është shndërruar në aleancë me kundërshtarët e Trump. Sondazhet e fundit ashtu si deh 4 vite më parë nxjerrin humbës presidentin amerikan, ku mediat të gjitha në unison vazhdojnë të shfaqin urrejtjen e tyre në shifra sondazhesh identike me 4 vite më parë.
Aktiviteti kishte si synim të ishte një demonstrim force politike për të mobilizuar bazën para zgjedhjeve të nëntorit, por u karakterizua nga frika për koronavirusin dhe një pjesëmarrje më e ulët nga ç’pritej.
Presidenti Trump tha se “shumica e heshtur është më e fortë se kurrë më parë”, dhe i quajti përkrahësit e tij “luftëtarë”. Ai foli për tema të njohura të fushatës, përfshirë për emërimin e gjyqtarëve konservatorë, taksa të ulëta, fuqizimin e bursës, murin në kufirin jugor me Meksikën dhe rritjen e buxhetit për ushtrinë. Fjalimi që zgjati 1 orë dhe 40 minuta, ishte i mbushur me sulme ndaj rivalit të tij demokrat në fushatën presidenciale, Joe Biden, “të majtës radikale” dhe “lajmeve të rreme”.
Zoti Trump e mbrojti menaxhimin e pandemisë nga ana e administratës së tij, duke fajësuar për shifrat e larta – mbi 2.3 milionë raste me koronavirus dhe 121 të vdekur në gjithë vendin – numrin e lartë të testimeve.
“Kur bën aq shumë testime, do të gjesh më shumë raste. Prandaj u thashë njerëzve të mi: ndadalësojeni testimin, ju lutem”, tha zoti Trump duke shtuar se administrata e tij “ka shpëtuar mijëra jetë”.
Ndërsa Presidenti Trump i është referuar shpesh koronavirusit si “virusi kinez”, për herë të parë e karakterizoi atë publikisht si “kung fu” dhe fajësoi Pekinin për pandeminë.
Duke tallur thirrjet nga disa pjesëtarë të së majtës për t’i hequr buxhetin policisë, zoti Trump iu rikthye shprehjes së ngakuar racore “hombre.”
“Është ora 1 e mëngjesit. Një hombre i fortë hyn nga dritarja dhe një grua që nuk e ka të shoqin në shtëpi, telefonin policinë dhe ata thonë: më falni ky numër nuk funksionon më “, tha ai.
Në një fjalim përqendruar kryesisht tek çështjet e brendshme, zoti Trump lavdëroi veten për vrasjen e udhëheqësit të ISIS-it Abu Bakr al-Baghdadi dhe gjeneral majorit të Gardës Revolucionare iraniane Qassem Soleimani. Ai e përmendi Kinën të paktën 11 times, kryesisht në kontekstin e fajësimit për pandeminë dhe luftën tregëtare dhe duke e quajtur kandidatin demokrat presidencial Joe Biden “një kukull të Kinës”.
Presidenti nënvlerësoi lëvizjen Black Lives Matter dhe mbulimin nga media të protestave pas vdekjes së afrikano-amerikanit George Floyd më 25 maj në duart e oficerëve të policisë.
“Ata asnjëherë nuk flasin për COVID-in. Sheh 25 mijë vetë të ecin në Nju Jork ose në rrugë të qyteteve të drejtuara nga demokratët dhe nuk dëgjon kurrë të flitet se ata nuk kanë veshur maskë”, tha ai.
Duke sulmuar lëvizjet në gjithë vendin për heqjen ose zëvendësimin e monumenteve që nderojnë gjeneralët e konfederatës, zoti Trump u tha përkrahësve:
“Kjo fushatë mizore censure dhe përjashtimi dhunon çdo gjë që është e shtrenjtë për ne si amerikanë. Ata duan të shkatërrojnë trashëgiminë tonë, që të vendosin që një regjim të ri shtypës në vend të tij”, tha ai.
