Prokurori special i Hagës, që ngriti padi ndaj Hashim Thaçit, është një amerikan i emëruar nga presidenti Donald Trump.
Ai quhet Jack Smith dhe ka një eksperiencë të gjatë në fushën e drejtësisë.
Burimet thonë se ai ka intervistuar me qindra luftëtarë të UÇK gjatë kësaj kohe, teksa puna e tij mbetet shumë sekret, siç raporton BBC.
Ai është diplomuar në Harvard dhe ka një tjetër zëvendës, i cili po ashtu është amerikan.
Mbrëmjen e shkuar, analisti amerikan Daniel Serwer ironizoi të dërguarin e posaçëm të SHBA, Richard Grenell, duke thënë se ai e dinte se prokurori që po ngrinte padi ndaj Thaçit është i emëruar i Trump.
“Sigurisht që kjo mban erë me faktin se amerikanët preferojnë të negociojnë me kryeministrin e Kosovës. Prokurori është një amerikan i emëruar nga administrata Trump. E vështirë të bindem që Richard Grenell nuk ishte informuar më përpara,” tha Serwer.
Edhe para disa muajsh, Serwer pati ironizuar duke thënë se është vështirë të imagjinosh se ai nuk e di se kë do të padisë dhe kë jo.
Megjithatë, prokurori Jack Smith shihet si një profesionist i mirë, pasi ka hetuar një seri ngjarjesh të rëndësishme.
