Nga Tritan Shehu.

Kryeministri të na thotë, a do të jetë “fati” i tunelit të Llogarasë si i atij Kardhiq – Delvinë?!

Kaluan shtate vite dhe si e kisha parashikuar, rruga Kardhiq – Delvinë ka ngelur në vendnumëro, ku u la më 2013-tën, ndërsa tuneli vetëm në 3D! Në fakt, më keq dhe se çfarë ishte bërë, e dëmtuar nga mosvazhdimi i punimeve.

Për atë dhe tunelin e saj u bënë shumë premtime nga Rama, vajtje e tij pompoze aty, shirita, “fonde” për “tendera” që shtohen në letër, por në terren asgjë përveçse disa makina a punëtorë që duken çdo 2-3 vite e kaq…përfundimi asgjëkundi.

Për ironi, si “tuneli” i Llogarasë, si ai nga Kardhiqi, të çojnë drejt një zone, në bregdetit jonian, veçse nga drejtime të ndryshme, të dy të trumbetuara nga vetë Kryeministri, por që siç duket të dy do të kenë edhe “fatin” e njëjtë, ekzistencën vetëm në 3D e me fondet që “avullojnë”!