Ish-ministri i Bujqësisë, Edmond Panariti, përmes një postimi në rrjetet sociale thotë se duhet rritur menjëherë numri i testimeve në mënyrë që të preken sa më pak njerëz me Covid-19.
Ish-deputet i LSI-së, kritikon qeverinë për mënyrën se si po menazhon situatën.
“Sa më pak dhe sa më keq teston, aq më shumë sëmur dhe infekton. Testim, gjurmim, izolim. janë tre hapat e vetme për kontrollin e Covid-19. Nuk ka rrugë tjetër.
Jo karantina dhe mbyllja e njerëzve të cilën edhe për “show force” e preferojnë vetëm ato qeveri, të cilat dështojnë te të parat.
Po korr atë çka ke mbjellë me hapa të gabuara. Duhet menjëherë ndryshim 180 gradë i kursit, sepse jemi ende në fillim të luftës”, shkruan Panariti.
