Në mungesë të investimeve në infrastrukturë dhe një menaxhimi turistik në dy nga perlat natyrore të Shqipërisë si `Syri i Kaltër` dhe `Kune Vain`, qeveria ka vendosur që të vendos traun.
Kështu Agjencia Kombëtare e Zonave të Mbrojtura ka shpallur tenderin për vendosjen e postblloqeve në këto dy zona të frekuentuara nga mijëra turistë shqiptarë dhe të huaj.
Fondi limit i tenderit është 6 milion e 666 mijë lekë dhe financimi do të bëhet nga buxheti i shtetit. Afati kohor për dorëzimin e ofertave ose kërkesave për pjesëmarrje është data: 30 korrik 2020. Kohëzgjatja e kontratës ose afati kohor për ekzekutimin është 2 muaj.
Nuk ka të dhëna ende se si do të funksionojë pas kësaj për tarifën, pas këtij hapi të Agjencisë Kombëtare të Zonave të Mbrojtura.
