Presidenti i Republikës i ka uruar nëpërmjet një mesazhi shendet të plotë Kardinalit, Ernest Simoni Troshani i cili ju nënshtrua një ndërhyrje kirurgjikale në Itali.
Ja postimi i plotë:
Së bashku me urimet e mia më të ngrohta dhe përzemërta, për shëndet të plotë dhe jetë sa më të gjatë për Kardinalin tonë të dashur, Ernest Simoni Troshani, jam shumë i lumtur që pas ndërhyrjes kirurgjikale shëndeti i Tij paraqitet i kënaqshëm.
Mirënjohje dhe falenderim të veçantë për të gjithë mjekët dhe personelin shëndetësor në spitalin e Firences të cilët u kujdesën me shumë profesionalizëm dhe dashuri që çdo gjë të shkonte sa më mirë.
Zoti e bekoftë Kardinalin tonë të dashur dhe veprën e Tij të përjetshme, për gjithçka i ka dhënë kombit shqiptar dhe Kishës!
