Ditën e sotme në Xhenova të Italisë në vendin ku ndodhi incidenti tragjik dy vite më parë, është inauguruar një urë e re.
Si pasojë e rrëzimit të urës atje vdiqën 43 persona. Ky rast vuri në pah neglizhencën që i është bërë infrastrukturës në Xhenova.
Presidenti, Sergio Mattarella, ka qenë pjesë e ceremonisë së sotme. Zyrtarët kishin menduar që të lexonin emrat e viktimave gjatë ceremonisë, mirëpo familjarët e tyre kanë kundërshtuar.
Ura do të hapet për qarkullim normal automjetesh më 4 ose 5 gusht. Ideatori i saj, Renzo Piano është i njohur për krijimet si “Qendra Georges Pompidou” në Paris dhe rrokaqielli, “The Shard” në Londër.
Ai e ka cilësuar strukturën e re si “fëmijë të lindur në tragjedi”.
