Policia e Shkodrës informon zytarisht në lidhje me ngjarjen tragjike të ndodhur sot, ku një 24-vjecar, që ka qenë duke u larë në liqen, është mbytur.
Sipas policisë, kanë qenë katër persona që kanë shkuar të lahen në liqen, ndërsa i riu nuk ka dalë dot më prej andej. Ai ka rënë nga varka në ujë dhe nuk është parë më.
Njoftimi i policisë:
Shkodër/Informacion Paraprak
Më datë 15.08.2020 ora 17:10, në Liqenin e Shkodrës, në fshatin Grizhë, vendin e quajtur “Balshaj”, Malësi e Madhe, kanë qenë duke u larë katër persona, ku njëri nga djemtë i shtetasi B. D. 24 vjeç, banues në fshatin Ktosh, Malësi e Madhe, pasi është hedhur nga varka në liqen, nuk ka dalë nga uji.
Në vendngjarje ndodhen shërbimet e policisë dhe grupi hetimor po punojnë për gjetjen e trupit në liqen.
