Një tërmet i lehtë ka goditur vendin tonë rreth orës 5 të mëngjesit të kësaj të enjteje.
Lëkundjet ishin me magnitudë 3.5 të shkallës rihter dhe epiqendra ishte në Detin Adriatik, 24 km në veriperëndim të Durrësit. Thellësia e këtij tërmeti ishte 5 km.
Sipas EMSC këto lëkundje tërmeti janë konsideruar si lëkundje të shkallës 4.
Nuk raportohet për dëme materiale, ndërsa shumë qytetarë kanë postuar në rrjetet sociale se i kanë ndjerë lëkundjet, që janë të lehta në krahasim me dy tërmetet që u përball vendi vitin e kaluar, ku vetëm në Durrës dhe në Thumanë humbën jetën 51 persona.
