Në datën 9 shtator kryeministri Rama i la si detyrë drejtuesve politikë identifikimin e problematikave që hasnin qytetarët në qarqet respektive që ata përfaqësojnë. Ditën e sotme, kryeministri dhe kryetari i PS, Edi Rama i ka mbledhur sërish drejtuesit politikë të PS në selinë rozë.
Në mbledhje janë dorëzuar formularët me problematikat e 12 qarqeve të vendit, ku sipas raporteve më problematik janë qarqet e veriut. Rama i ka lënë porosi të vetëve daljen në fushatë dhe zgjidhjen e problematikave të raportuara prej qytetarëve
Me nisjen e një parafushate elektorale, Rama bëri dhe lëvizjet e tij sa i përket drejtuesve politikë nëpër qarqe duke marrë vetë drejtimin e Durrësit, Lindita Nikollën në Lezhë, Ilir Beqajn në Shkodër, teksa Tiranën ia besoi Erion Veliajt, Elisa Spiropalit me kryetar Ervin Bushatin.
Kujtojmë se kjo është mbledhja e 2-të e Ramës me drejtuesit politikë të qarqeve teksa PS tashmë ka shpallur objektivat, mandat të tretë me 800 mijë vota që përkthehen në 74 deputetë.
